
Mi èm pa ou
For pou kri lamour, mi rod aou ankor
For pou dévwal, gran santiman dann melodi
Kisa sa sèt la zamé santi fièv lamour
Sèt la zamé émé, i lès de koté
Tout sèt la zamé giny la shans ét kaptivé
Set la zamé santi son kèr akséléré
Rofrin :
Ti fi mi èm pa ou, tras ou shomin alé
Mon kèr i flétri, ou fé perd amwin mon la vi
Merl perd direksion, kan li krwaz out vizaz
Ou la vol son gosié, aou fanm i rod klerté
Out bann sanglo i travers pa mwin
Vertiz ser out basin, vit mi sa kashièt
Ou vé mi tenir out min, plito zet mon kor
Fanm zwa an konsians kartlé, batay livrès
Ou rod mi di aou wi, dann wi na pwin batay
Nora bo lev katrèr, mèt fler pou mon bonèr
Mon ker i wa pa ou, shak lèr li oubli aou
Pangar mon koler i nwarsi mon lespri
Rofrin
Ou na in pansé po mwin shak matin
Mon kotidyin amwin : gard aou lwin
I Sanzra pa mwin kou Fini an morso ver brizé,
Esay fé shavir mon tet, Sant prièr sanm la lin
Plas out fé dann mon ziè, kont de fé magouyé
Rofrin
Zetwal si ou, kozman la swa dann out kozé
Ou gard amwin, mon parol pou ni an vayans
Mon kèr lé také, ou ginyra pa rantré,
Ou fors kadna, mé rés kikouzi,
Pardovan mon bann mo an kartous fizi
Etinn out fanal fanm, fi ferm out fors
Rofrin
In lané dé lané, larg in kou lo kor
Alak mi attann mem ke ou sa va
Mi ar domann aou suspann batay
Aret tyinbo, aret ek out kozman may may
Po mwin ou lé byin mwin kin zarlor
Sa in batay va fé koul larm pa lo san
Rofrin
Lo jour in fanm la pers mon ker ek son lam
Sa té in zistwar mantèr, antèr ali
Ma kri aou in moun, zamé mon bonèr
Malgré mon laz, dann mon kafé na pwin triaz
Out kor lé dou, mé mi èm pa ou
Bonbon lamour la perd lo gou a fors manzé
Mi èm pa ou
Mi èm pa ou
Créez votre propre site internet avec Webador