Tiray

Son po i tiray ek sikatris la soufrans, larm, la douler, 

I apèz son  maler dann in ler pou ekri son fonn ker 

Limier blan la lin dann fénwarsité i éklèr son dé kwis 

Son zoli po la Finn ariv an morso, an désirman,  

 

Rofrin 

Anvolé tristès, Anvolé sagès 

Tiray, tiray, tiray 

Ti ral amwin 

Tanpir i tiray lpov marmay

 Tanpir i tiray le ti kafrin 

Tangaj va éklat dan son tèt 

 

Lontan lontan pou bril Ali, lé pir kin lanpa 

Kan son pié tous la tèr forstan li vé sanz  luniver 

Dopi premié zour son stilo la kras, la déverse son lo

Son morozité perd  langouman, son lopresion in souvnir 

 

Rofrin 

 

Mardaz la kolèr i arsèr tréfon son gorz, i trang ali

Dann fenwar, dé pins,i plant lo fi, musk andolori

son po i flétri, dé zié i vyin blèm 

Fini martir Li lès Ali mor si son li  

 Noyé dann maré arzanté  lo fanm  i sobat