Dans an konfians

 

Son kor  in siro i bri for 

Dousèr son po,  dousèr mon mo

Tandrès son kares koté mon zorey 

Son lèv linvitasyon po voyazé

 

Zépis i bril pa mon kor kom ou fé 

Kan mi ekout batman out tréfon dkèr 

Kréasyon in souvnans, in lobsésyon

Sa out brim in lanvelop 



Rofrin 

 

Out dans la tir amwin dmon lerans 

Ou lé gran koray mon legzistans, 

Mon lonb i éfas si out tras 

Ou mon zazalé, mon zorkidé

Out dans, ou dans amwin, ou dans po mwin 

 

Na pwin pli gadianm ke out zépol 

Mon min i poz dési kan nou dans ansanm

Out vwal velour rouz la finn tous le sol 

In karès la briz si mon tet blem

 

Rofrin 

 

La gras, larmoni koman ou déplas

I fé fléri mon devosion, 

mon pasion an florézon 

Pou fanm la brèz, fanm mon pasion 

 

Out fant nuaz i lès pas loraz 

Fanm la i dans pou fé sant son frénézi 

Pou fé sort son dézir, son resanti 

Sèt li dégaz, i sort an pèlrinaz 



Out dans, ou dans amwin, ou dans po mwin x2

 

nai nai nai nai na na na 



Créez votre propre site internet avec Webador